ஆன்லைன் சூதாட்டம் - பொள்ளாச்சி இளைஞர் தற்கொலை

நாடு முழுவதும் ஆன்லைன் சூதாட்டத்தால் பலர் தற்கொலை செய்து வரும் நிலையில் தற்போது பொள்ளாச்சியைச் சேர்ந்த இளைஞர் ஒருவர் சூதாட்டத்தில் பணத்தை இழந்த காரணத்தால் தற்கொலை செய்து கொண்டார்.

கோயம்புத்தூர்:பொள்ளாச்சி அருகே கடன் வாங்கி ஆன்லைன் சூதாட்டம் விளையாடி பணத்தை இழந்த இளைஞர் தற்கொலை செய்து கொண்டது அதிர்ச்சியை ஏற்படுத்தியுள்ளது. கிணத்துக்கடவு - மேட்டுப்பாளையம் பகுதியில் வசிப்பவர் ஷாஜகான்; இவரது மகன் சல்மான் (22). இவர் கோவில்பாளையம் பகுதியில் உள்ள தனியார் தொழிற்சாலையில் பணியாற்றி வருகிறார்.

இந்த நிலையில் இவர் தனது செல்போனில் ஆன்லைன் மூலம் சூதாட்டம் விளையாடி வந்துள்ளார். சூதாட்டம் விளையாட நண்பர்களிடம் கடனாக பணம்பெற்று விளையாடியதாக கூறப்படுகிறது. மேலும் இந்த சூதாட்டத்தால் பணத்தை இழந்ததால் சல்மான் வீட்டில் தூக்கு போட்டுத் தற்கொலை செய்து கொண்டார்.

தற்கொலை தீர்வல்ல

இதனையடுத்து சம்பவ இடத்திற்கு விரைந்த கிணத்துக்கடவு போலீசார் சல்மான் உடலை மீட்டு பொள்ளாச்சி அரசு மருத்துவமனைக்கு அனுப்பி வைத்தனர். இதுகுறித்து போலீசார் விசாரணை மேற்கொண்டு வருகின்றனர்.

இதையும் படிங்க:குரோம்பேட்டையில் இளைஞர் தற்கொலை